Сценарий театрализованного представления «Майбырöй, олöмöй!», посвященного 125-летию коми поэта, прозаика и драматурга Виктора Алексеевича Савина

Звучат позывные «Мича нывьяс», занавес открыт, слайд-шоу, на сцене творческие коллективы Корткеросского района.

 

1. Песня «Мича нывьяс», исп. Народный ансамбль «Зорюшка» ДНТ п.Подтыбок; (проходки- народный ансамбль «Исерга» ЦДК с.Корткерос, ансамбль «Оз тусьяс» д.Троицк).

 

Ведущая: Видза оланныд, дона ёртъяс! Нимкодь аддзыны ставнытö миян шоныд рыт вылын. Миян кыпыд гаж вылын, кодöс сиöма Коми мулöн Енбиа пи, Виктор Алексеевич Савинлы: кывбуралысьлы, проза гижысьлы, коми драматургия подув пуктысьлы. Видзöдлыны кö, быд коми мортлы иніс сылöн либö кывбур-сьыланкывйыс, либö висьт – тешторыс, либö газет пасйöдыс.

Тайö лунъясас ми пасъям Нёбдінса Витторлысь 125-öд вося юбилей. Кöсъян, да он вермы шымыртны тайö мортыслысь коми кыв, коми литературалы пуктöм пайсö. И кöть кымын во оз коль Виктор Савинлöн олöм-вылöмысь, сылöн творчествоыс пыр кутас ышöдны миянöс и гижны, и сьывны, и юксьыны орччаяскöд сьöлöм-лолöн.

Ёртъяс, Коми Республикалöн каналан кып! Гижис – Виктор Алексеевич Савин!

2. Звучит Государственный гимн Республики Коми.

( Зритель стояприветствует гимн)

 

Ведущая: (зритель садится). Нёбдінса Витторлы сиöм рыт восьтö Коми Республикаса Юралысь Вячеслав Михайлович Гайзер.

 

3. Выход на сцену и выступление В.М.Гайзера.

 Уход со сцены Главы республики.

 

 Коллективы расступаются, пропускают Савина, играющего на дудке, и медленно уходят со сцены.

 Остается на сцене вокальный коллектив «Оз тусьяс» клуб д. Троицк.

 

Савин: (тихонько наигрывая на дудке, выходит на сцену)

 Небдiнса Виттор нимöй нин висьталö чужанiнöс – Небдiн. Чужсьылöма Трöш сиктын 1888 вося ноябрь 21 лунö.

Рöдвужöй менам со кутшöм артмö:

      Ме ачым Виттор,

      Код Виттор, - Öльöш Виттор,

      Код Öльöш? – Öньö Öльöш,

      Код Öньö? – Öнись Öньö,

      Код Öнись? – Лёва Öнись,

      Код Лёва? – Трöш Лёва,

      Код Трöш? – Педь Трöш,

      Код Педь? – Аврам Педь,

      Код Аврам? – Сава Аврам,

      Код Сава? – Кузь бива вотлук….

      Мый лоö «вотлукыс» - ме ачым ог тöд – чайта, сiйö  - пом.

(выходит ведущая – мать молодая)

 

Савин: Öнись Öньö Öльöксей менам бать, кыкысь гöтрасьлöма.

Мам: Мöдысьсö  вайöма менö, Закар Петырлысь нывсö, Аннаöс.

Савин: Петыр Аннаыс и лоö менам мамöй.  Öнись Öльöксей гозъялöн ме  - медводза пи.

Мам: (ки вылас быттьö кага кутö) Меным колö вöлi, мед попыс кагаöс  нимтас Иванöн, а Вассиан поп пыртiгас пуктiс «тешкодь» ним – Виктор. Первойяссö бура дыр тайö нимыс «мисьтöмöн» кажитчис.

Савин: А ме ног, попсö таысь позьö сöмын ошкыны. Не кö сiйö, ме эськö öнöдз вöлi Иван.

Мам: Нёбдiнса Иван.

Савин: (Шмонитöмöн) «Небдiнса Иван» - ньöти абу лöсьыд. Иваныд, гашкö,  Небдiнад кымын да? Поп сетöма Виктор, коми ногöн Виттор. Со и öнiöдз на Виттор.

Мам: Гöлиника овлiм. Гозъя ыджыд грамота эг тöдлöй.

Савин: Батьöй нэмсö ветлöдлiс заводö – Богословö. Ситеч дöрöмъястö, роч дöра гачъястö да кучик сапогъястö ме эг новлы:

      Новлi чорыд сера дöрöм,

      Визя гач да кöтi…(ворсö гармошка вылын вöляника сьылiгмоз).

 

4. Песня: «Чужi – быдми сьöд вöр шöрын» - ансамбль «Оз тусьяс» д. Троицк.

5. Песня «Туту - руту» - д. Троицк.

 

Савин: Ёна и кыпыд да гажа тулыснад Трöш сиктын. Лым кодь еджыд рöмöн дзоридзалöны льöм пуяс, шоныд лун тöв улын  ньöжйöник шöпкöдчöны еджыд гача кыдзьяс. Горувлань вежöдöм – томмöм козъя  –пожöма вöр. Ичöтдырсянь радейтана ворсан местаöн вöлi Шöр ёльдорса мельничаным.

Радейта унатор ас чужан муысь!

      Радейта сэтшöма – ог вермы шуныс,

      Радейтны быдöнлы ас му, дерт, колö.

      Медъёна радейта горт сиктын олöм.

 

6. Песня «Ой-ой, тувсов вой», народный ансамбль «Зöнзöвöй» с.Выльгорт

7. Песня «Аддзысян тай»

 

Мам: Январ помланьö Небдiнса Вичкодор, Катыд, Ярсикт грездъяс тырлiсны йöзöн, уна вöла - доддяясöн. Эжва вожсаяслöн серникöд тшöтш кылiсны ижмасаяслöн, рочъяслöн сёрнияс. Додьясысь ректывлiсны кын пöтка да чери, вый да яй, нянь, звер куяс. Перымса, Устюгса, Вяткаса да Усть-Сысольскса купечьяс вайöмаöсь  ситеч помъяс, матерье  тюкъяс, паськöм, свинеч-порок, пищаль, чöсмасянторъяс. Восьталöны лавкаяс. Быдлаын öтитор вежöны мöдтор вылö, донъясьöны. Тадзи Нёбдінын быд тöв нуöдлiсны ыджыд ярмангаяс. Ёна и гажа вöлі.

 

8. Песня «Сьöлöм сьылöм» - вокальная группа «Пелысь мольяс» колледж культуры.

 

Савин: А сус пуяссö садитлöмаöсь татчö важöн нин. Кöйдыссö вайлöмаöсь Уралö нажöтка корсьны ветлысьяс – зимöгöръяс. Помнита на, кыдз 1906 воын тöвся Микола лун гöгöр батьöкöд медасим пес керавны Богословö. Кöрöм бöра дукöсаöсь, тулупаöсь, Дереваннööдз вöлöн кайим.

Мам: Öд тайö воас кöсйим Витторöс гöтравны орчча керкаысь «сьöд синкыма öтка нывкöд» - Тиюккöд. 

Савин: Ме сöглас эг сет, да заводö мöдöдчи.

      Прöщай, Трöш сикт, прöщай  Нёбдiн,

      Прöщай, Коми муöй!

      Прöщай, Мöсйöр,  Чöртас, Угдым,

      Прöщай, Эжва юöй!

      Прощай, Тиюк, прöщай Аннук,

      Зарни нывъяс, зонъяс!

      Прöщай, мамö, Степук, Натук,

      Муса чойяс, вокъяс!

 

9. Танец «Коми море», танцевальный коллектив с. Корткерос.

 

Савин: 1918 воын ме медводдзаысь на аддзылi ассьыным коми карнымöс – Сыктывкарöс. Гортö кайлi да вайи карö ассьым семьяöс, дай öнi на со Сыктывкарын жыруйта. Индiсны Чрезвычайнöй комиссияö делопроизводительöн. Жалöваньö вöлi ичöтик, да ыджыд семьянад ёна дзескыда лои овны. Унаысь няньным эз вöв да куш тшак сёйлiм. Ме комын арöсöдз эг мöвпавлы лоны коми гижысьöн.

Сэки вöлi Сыктывкарын шочиника петö «Зырянская жизнь» нима роч газет. А меным зэв окота вöлi  пемыд коми уджалысь войтырлы сетыштны газет пырыс ас коми гижöдъяс, чуксавны выль олöмланьыс коми кывйöн, коми гижöдöн. Ме некор эг пуктывлы ассьым поэзия сяма гижöдъясöс джуджыд художественнöй произведениеяс туйö, но менам ставсö гижöма коми  йöзлы гöгöрвоана кывйöн.

 

10. Стихотворение «Светлая звездочка», исполняет Екатерина Шестакова с. Выльгорт.

 

Мам: Викторлöн семьяыс вöлi ыджыд – вит ныв да пи. Жыръяс сулалiс фисгармония, Миля нучкаöй неуна ворслiс сы вылын да сьывлiс. Моньным вöлi неыджыд тушаа, косньöд шань нывбаба. Кöть и роч семьяысь, пыр сибыд да мывкыд. Локтан да, бытьöн пуксьöдас пызан сайö. Чайтö юны пуксясны ставöн, кодi эм тайö каднас керкаас.

А батьныс удж вылысь локтас да, керкаас нöшта на гажмö. Сiйö пыригмозыс нимкодьпырысь горöдліс: «О! Вайö сьывны да гажöдчыны!» Ачыс пуксьылiс фисгармония сайö да босьталіс коми сьыланкывъяс: «Доли-шели», «Шондiбанöй», «Мича нывъяс». Ставныс босьтчылісны йöктыны да сьывны. Ок и любö видзöднысö!

 

11. Песня «Гöгрöс чужöмьяс» дуэт «Лопотушки», школа искусств с. Корткерос.

 

Савин: Ме медъёна тöждысьлi куимпöлöс художествоа удж вöсна:

1. Кыпöдны коми литература

2. Лöсьöдны коми театр

3. Тэчны выль коми сьыланкывъяс.

 

Веськыда кö шуны, меысь кындзи, öнöдз некод эз уджавлы татшöмтор вылас. Менам, дерт, теоретическöй тöдöмöй оз судзсьы – эг велöдчыв специальнöй школаясын, ставсö вöча ас наукаöн. Эг кужлы ме сэки мöвпыштны весиг, мый лоа коркö коми поэтöн, либö коми драматургöн, дай гижлi «эг слава корсьöм кузя».

 

12. Стих-ие «Соколиное гнездо» Юлия Мурашкина, колледж культуры.

 

13. Песня «Встречнöй» народный ансамбль «Исерга», с.Корткерос.

 

Мам: Тöвся рыт. Немтор керны. Час жö ветла пиук ордö.  Ичöтик оланiнын Виктор челядьыскöд ноксьö джоджас. Гöгöр дозмук туплясьö. «Мый нö керан, Виттор?» - «Со тай гижи мыйкö, - а ачыс сералö, - дышöдіс дзикöдз да  шойчча». Сэсся лыддис гижöматö. Буретш «Райын»-тö, вöлöм, панöма.  Лыддьö гораа, ки-кокнас шенасьö, ачыс кулöма серамысла. Ми ставöн сы бöрся сералам.

 

14. Сцена из спектакля «Райын» (колледж культуры)

 

Савин: (лыддьö письмö) Михаил Лебедевлы, коми ног кö, Юсьлы, письмö со гижи:

Видза олан, Микайлö Николаевич!

Ме тэ дiнö шыася со кутшöм могöн. «Настук» опереткатö тэнсьыд босьтчи музыка вылö лöсьöдны, - регыд нин эштас. Кöть эськö абу зэв сьöкыд ворснысö, мелодияясыс кокньыдикöсь (аслыспöлöс, коми кöра), да бура дыр на лоас лöсьöдчыны пуктытöдзыд. Сэсся кыдзкö помасьö опереткаыд оз лöсьыда, оз гажаа. Колö эськö, ещö, ме думысь, лöсьöдыштны помсö: хорлы апофеозкодь сьыланатор содтыны. Сiйö эськö ёна краситiс. Содтассö колö  гижны сэтшöм муртасöн жö (рочöн кö, размерöн), кутшöм «Дзор  пöрысь гозъялöн раминик ныв», сідзкö, дактильöн. Коркö эштöда мелодиясö, пуктам, да тэ, другö, ачыд волы жö карö – видзöдны-кывзыны ассьыд произведениетö. Сэк кежлö кыдзкö-мыйкö эштöдчыв, - уджыд öд оз на некытчö пышйы. 

Öнi кежлö сэсся ставыс. Видза колян! Аддзысьлытöдз! Ёрт чолöмöн Небдiнса Виттор. Сыктывкар, ноябрь 12 лун 1929 во.

 

15. Песня «Дзор пöрысь гозъялöн» - «Эзысь войт»,  колледж  культуры.

 

Савин: Важысянь нин бур йöз водзас нырйысис петны коми театр, а öнi позьö нин лыддьыны сылысь подувсö дасьöн. Сiйö шусьö: коми инструктивнöй передвижнöй театр – «КИПТ» труппа. Веськавлiсны, дерт, сэтчö унджыкыс сиктса том войтыр, сцена вылын водзті пöшти ворслытöмъяс. Медводдза коми труппаын таво лоас дас куим морт: 1  руководитель – режиссёр, 1 инструктор, 10 артист да öти гудöкасьысь.

 Ми босьтчим йитны театрлысь уджсö öнiя олöмкöд.

 Кутчысим  отсавны коми уджалысь войтырлы регыдджыкöн кыпöдны культурасö,

 чорыда нуöдны классöвöй врагъяскöд тыш,

 бырöдны пемыдлун,

 öддзöдны индустриальнöй Выль Войвыв тэчöм.

        (Савин уходит со сцены)

 

16. Отрывок из пьесы «Инасьтöм лов» народный театр, с. Корткерос.

 

17. Отрывок из пьесы «Инасьтöм лов» драм. коллектив с. Пезмог.

(М. Бурдин играет на сигудке «Шондiбан», грешницы танцуют).

(мути уводят грешниц со сцены).

 

Савин: (говорит сидя за столом) Менö тшöкыда шемöсмöдö татшöмтор: кор сэні Москваас аддзöны кадсö литературнöй творчество вылас? Ми со танi веськыда мучитам, косьтам, орöдам асьнымöс.

Официальнöя ме лыддыся народнöй образованиеса областнöй отделын сиктса художественнöй удж нуöдöм кузя инструкторöн (уджыс уна).

 Сэсся Сыктывкарын инструкторала да веськöдла коми показательнöй театрöн.

 Водзö – пролетарскöй писательяслöн коми ассоциацияын секретарала (уджыс бара жö тырыс).

Та кындзи пыра «Ордым» да «Коми просвещенец» журналъяслöн редколлегияö.

Та дорö содтöд секретарала ОблОНОбердса ВКП(б) ячейкаын, кодi öтувтö ас бердас куим учреждение да нёль комсомольскöй ячейка. А сэнi партийнöй, профессиональнöй да разнöй общественнöй могъясыс – быдса гöра!

 Кор нö сэсся позьö босьтчыны литературнöй творчествоас? Ассьым дзоньвидзалун жалиттöг мырся, мукöд дырйи асылöдзыс пукала -  веськыда юрöй бергöдчö. Со тадзи и уджала.                   (Савин уходит со сцены)

 

18. Стихотворение «Поэту Савину», читает Анатолий Кулаков.

 

19. Песня «Нёбдiн йылысь сьыланкыв» ансамбль «Тиюк» с.Нёбдiно.

 

Мам:Корам сцена вылö Виктор Савинлысь рöдвужсö.

(Родственники В.Савина поднимаются на сцену, рассказывают о себе). 

 (Родственники проходят в зрительный зал).

 

20. Кывбур «Мамöлы», читает О. Носкова, артистка Акад.Театра драмы.

 

21. Песня «Коми мулöн рöмпöштан» ансамбль «Тиук» ДК с. Нёбдiно.

 

Ведущая: 1937 вося октябр 7 лунö УНКВД-са веськöдлысь, госбезопасностилöн старшöй лейтенант Ковалев да 4-öд юкöнöн веськöдлысь Выжлецов шыöдчисны письмööн Коми АССР-са прокурор Федченко дорö, мед сійö лэдзас арестуйтны Виктор Алексеевич Савинöс.

Савин: «Савин является участником контрреволюционной группировки, существующей среди коми писателей. Блокируясь с буржуазными националистами и врагами народа – троцкистами, на протяжении ряда лет он вел активную контрреволюционную работу, направленную против политики партии и советской власти, т.е. за отделение Коми области от СССР и за создание самостоятельной буржуазной республики Коми.

Савин Виктор Алексеевич подлежит аресту и привлечению к ответственности по ст. 58 п. 10 ч. 1 и 58 п. 11 УК РСФСР.

 

Савин: В предъявленном мне обвинении виновным себя не признаю.

Ведущая: 1938 вося юль 7-öд лунö СССР-са внутренней делöяслöн народнöй комиссариат бердса торъя совещание шуис: Виктор Алексеевич Савинöс контрреволюционнöй удж нуöдöмысь ыстыны исправтруд лагерö вит во кежлö.

Чорыд сутуга сайын Виктор Алексеевич вöлі квайт во. И тайö квайт вонас олöмсö лов тырнас радейтысь пöрнöй мужичöй воис пöрысь мортöдз.

1943 вося август 11-öд лунö Нёбдінса Виттор эновтіс таладор югыдсö.

 

22. Отрывок из видеофильма «Вабергач».

 

23. Песня «Югыд кодзув», преподаватели школы искусств с.Корткерос.

 

24. Композиция «Му сюр сайын» народный фольклорный ансамбль «Сипертас»  с.Нившера.

 

25. Танец «Шельябожса ветлöдлöм», исполняет народный ансамбль песни и танца «Пелысь мольяс», колледж культуры

 

26. «Сьöлöм сьылöм» Анастасия Казакова, сводный танцевальный коллектив и творческие коллективы).

 

Ведущая: Воис кад сигöртны Виктор Савинлöн 125-öд вося тшупöда паслы сиöм рытнымöс.

Пуктiс Виктор Савинлы сиöм гажсö Коми Республикаса  Виктор Савин нима Госпремияса лауреат - Анастасия Анатольевна Казакова,

а нуöдiсны  - Виктор Савин нима драма театрын ворсысь –Светлана Малькова , кодi ворсiс Виктор Савинлысь мамсö

да Коми республикаса народной артист- Михаил Бурдин.

Сцена вылын «Кöрткерöс» муниципальнöй  районöн веськöдлысьöс вежысь - Александра Андреевна Барановская.

 

27. Выступление А.А.Барановской. (Благодарственное слово театру драмы, организаторам и участникам концерта, вручение благодарственных писем).

 

28. Общая песня «Гимн Корткеросского района».

 

 

Литература:

1. Савин В.А. Бöрйöм гижöдъяс.- Кывбуръяс, поэмаяс, висьтъяс, очеркъяс, пьесаяс. – Сыктывкар: «Издательство «Милета», 2008. – 608 с.

2. Коми театр: время и люди /Сост. МА.Удоратина. – Сыктывкар: АУ РК «Издательский дом Коми», 2013. -144 с.

3. Небдинса Виттор (В.А.Савин). Вабергач. Пьесаяс / Сост. Г.И.Торлопов. – Сыктывкар, 1982. – 368 с.